Tulku Tenzin Gyurmey Rinpoche was born in 1981 in Mon Tawang, Arunachal Pradesh, India. His father is from TawangZhol village and his mother, who relocated to Tawang before 1959, hails from Lhasa. He is the sixth oldest among ten siblings, comprising six brothers and four sisters. In 1990, at the...
བྲག་རྩེ་རིན་པོ་ཆེ་སྐུ་ཕྲེང་དང་པོ་དྭགས་པོ་རབ་འབྱམས་པ་དགེ་བཤེས་ངག་དབང་ཐར་འདོད་ནི་སློབ་དཔོན་པདྨ་འབྱུང་གནས་ཀྱིས་བྱིན་གྱིས་བརླབས་པའི་གནས་བྷ་ག་བྱང་དང་ཉེ་བའི་ཡུལ་སྙུག་མ་གདུང་དུ་ཁྱིམ་ཚང་དབུལ་པོའི་མ་ཝག་པ་ཞེས་པའི་བུར་སྐྱེས། ཆུང་ངུ་ནས་གཞན་གྱི་ཁྱིམ་གཡོག་གནང་སྟེ་བཞུགས། དགུང་ལོ་༢༤ཐོག་འཇིག་རྟེན་བྱ་བཞག་ལ་ཡིད་བསུན་ནས་རྟ་དབང་དགོན་པར་སྒྲིགས་ཞུགས་མཛད། དེ་རྗེས་བོད་དུ་དྭགས་པོ་བཤད་སྒྲུབ་གླིང་གྲྭ་ཚང་ལ་ཕེབས་ནས་གཞུང་ཆེན་ལ་སློབ་གཉེར་གནང་བས་དྭགས་པོ་རབ་འབྱམས་ཀྱི་མཁས་པའི་མཚན་གནས་ཐོབ་སླར་མོན་དུ་ཕེབས་ནས་བསྟན་འགྲོའི་ཕན་བདེ་རྒྱ་ཆེར་གནང་། སྐུ་ཚེ་མཇུག་ཏུ་བྱང་བྲག་རྩེ་རི་ཁྲོད་དུ་ཉམས་བཞེས་མཐར་ཕྱིན་པ་གནང་སྟེ་བཞུགས། བྲག་རྩེ་རིན་པོ་ཆེ་ཐུབ་བསྟན་བསྟན་པའི་རྒྱལ་མཚན་མཆོག་ནི། ཕྱི་ལོ་༡༩༤༦ལོར་མོན་རྟ་དབང་བྱང་གསུམ་བྲང་དུ་སྐུ་འཁྲུངས། དགུང་ལོ་གསུམ་པའི་ཚེ་དགའ་ལྡན་བ་སོ་ཆོས་ཀྱི་རྒྱལ་མཚན་གྱི་དྲུང་དུ་གཙུག་ཕུད་ཕུལ་བས་མཚན་ཐུབ་བསྟནབསྟན་པའི་རྒྱལ་མཚན་ཞེས་བསྩལ། དགུང་ལོ་ལྔ་པའི་སྐབས་མཚོ་སྣ་རིན་པོ་ཆེ་སྐུ་ཕྲེང་བཅུ་གཉིས་པ་ཐུབ་བསྟན་འཇམ་དཔལ་དབང་ཕྱུག་མཆོག་ནས་ཁྱིའུ་འདི་དྭགས་པོ་རབ་འབྱམས་པ་ངག་དབང་ཐར་འདོད་ཀྱི་སྐྱེ་སྤྲུལ་དུ་ངོས་འཛིན་གནང། དགུང་ལོ་བརྒྱད་པའི་ཐོག་་རྟ་དབང་དགོན་པར་ཆོས་ཞུགས་མཛད། དེ་ནས་མཚོ་སྣ་རིན་པོ་ཆེའི་དྲུང་ནས་དགེ་ཚུལ་གྱི་སྡོམ་པ་མནོས། ཕྱི་ལོ་༡༩༦༥ལོར་རྡ་སར་༧གོང་ས་མཆོག་གི་དྲུང་དུ་བསྙེན་རྫོགས་ཀྱི་སྡོམ་པ་མནོས། ཌལ་ཧོར་དུ་སེར་བྱེས་ཏྲེ་ཧོར་རྒྱུད་སྨད་མཁན་ཟུར་སྐལ་བཟང་རྣམ་རྒྱལ་སོགས་བསྟེན་ནས་སློབ་གཉེར་མཛད། ཕྱི་ལོ་ ༡༩༧༡ལོར་རིགས་ཆུང་ཚོགས་བཞེངས་གནང་། ཕྱི་ལོ་༡༩༧༤ལོར་འཕགས་ཡུལ་སེར་བྱེས་གྲྭ་ཚང་དུ་ཏྲེ་ཧོར་མཁན་ཟུར་རིན་པོ་ཆེ་རྗེ་བཙུན་བློ་བཟང་དབང་ཕྱུག་དང་། མཁན་ཟུར་རྡོ་རྗེ་བཀྲ་ཤིས། དགེ་བཤེས་བློ་བཟང་དར་རྒྱས་སོགས་བསྟེན་ཏེ་སློབ་གཉེར་གང་འཚམས་གནང་རྗེས་རང་ཡུལ་བྲག་རྩེ་རི་ཁྲོད་དུ་ཞུགས་ནས།ཕྱི་ལོ་ ༡༩༩༣ལོར་དགུ་པ་ལྷ་བབས་དུས་ཆེན་ཉིན་དགུན་གླིང་དགེ་བཤེས་དམ་བཅའ་འཇོག་གནང་མཛད་རྗེས་སླར་ཡང་རི་ཁྲོད་དུ་གཏན་ཞུགས་ཀྱིས་མོན་ཀྱི་སྐྱེ་འགྲོའི་དོན་མཛད་མུས་ཐོག། ཕྱི་ལོ་༢༠༠༤ཟླ་བ་༡༡ཚེས་༡ཉིན་སྐུ་ཞི་བར་བཤེགས་པ་དང་། སྐུ་ཕྲེང་གསུམ་པ་ཟླ་བ་དབང་འདུས་མཆོག་རྡོར་གླིང་དུ་ཡབ་པདྨ་དབང་འདུས་དང་། ཡུམ་སན་ཇུ་རའི་གཉིས་ཀྱི་སྲས་སུ་འཁྲུངས་ཏེ། ཕྱི་ལོ་༢༠༡༥ཟླ་བ་༥ཚེས་༡༧ཉིན་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་སྐུ་ཕྲེང་གཉིས་པ་ཐུབ་བསྟན་བསྟན་པའི་རྒྱལ་མཚ་ན་མཆོག་གི་ཡང་སྲིད་དུ་ཕྱག་རྟགས་ཕེབས་ནས་ད་ལྟའི་ཆར་སྦེང་ལོར་ཁུལ་དུ་སློབ་གྲྭར་དེང་དུས་ཀྱི་ཤེས་ཡོན་སོགས་ལ་བརྩོན་པ་ཆུ་བོའི་རྒྱུན་བཞིན་གནང་མུས་ཀྱི་ལོ་རྒྱུས་སྙིང་བསྡུས་སུ།། །།
BRIEF HISTORY AND FACTS INTO THE SEARCH AND RECOGNIZATION OF REINCARNATION Young Dromo Geshe Rinpoche, Tenzin Oden was born on 15th December 2002 to family of father Ugen Tenzin and mother Lobsang Dolma in Bylakuppe, which is the biggest Tibetan refugee settlement in South India. The previous Dromo Geshe Rinpoche...
Lama Zopa Rinpoche is the reincarnation of the Sherpa Nyingma yogi Kunsang Yeshe, the Lawudo Lama. Rinpoche was born in 1946 in Thami to a very poor family, not far from the cave Lawudo, in the Mount Everest region of Nepal, where his predecessor meditated for the last twenty years...